煮~煮~煮~

今天用了三小時做好了焦糖合桃咖啡朱古力霧絲蛋糕...內裡好香脆, 外裡好軟滑, 十分之好吃! ^-^ 我是在ABC上堂的! 有興趣上蛋糕, 麵包或料理堂trial class可以搵我一齊去呀! 

為左小朋友見到會開心一點, 加上一個開心笑, 希望你鐘意呢!

回家已經晚了, 好好準備晚餐, 大囡要食pizza, 所以下課後去了超級市場買了各款芝士, 有蕃茄等等材料, 一起親子節目!

雖然只有2歲多, 但心心超級喜歡入廚房"幫手", 我只好安排她做一些簡單的工作, 她已經非常快樂! 還會說好喜歡廚房呢!

今晚做了日本醋汁蕃茄沙拉, 炸雞 及四式芝士pizza配蜜糖, 

因為早前在街外食過, 所以再試下自己在家做一個! 可能天氣太凍, 難發酵所以皮底夠薄但硬了一點, 希望下次做得更好!

其實朋友常說沒有機會親子, 小朋友都不會跟自己, 我想只要找到一點他們有興趣的活動郁郁手, 已是好好的親子活動, 更不用花費!   

辦年貨

天氣呢幾日突然凍左好多, 又落雨又濕濕淋淋, 我突然好想出去花墟到搵新年的裝飾物同年花, 因為我知無乜時間會去睇呢D野, 於是今日3點幾等2個囡訓晒覺, 亞姨來我家睇住, 快快咁出走3小時去尋寶!

各類型大大小小的掛飾及揮春充滿新年氣氛, 店內播放住賀年歌, 亦有不少外籍遊客在店內參觀呢! 

出走三小時, 我最心動最想買亦最得我心的係呢盤野!!!!

店主話係日本人係國內種植的, 靚到不得了, 除呢個青青綠綠的靚色外, 仲有其他紅紅紫紫的, 可惜太貴了, 加上屋企根本無位放呢個, 只可以拍個照留念! 花價嗎? 大概港幣$2600 (已經係最平的4棵價格!) 

最後我買左2條彩色年年有餘比囡囡們, 買左個大大的放係大門

新年的年花總離不開蘭花, 今年我買左幾盤蘭花自己插, 買左個金色的花盤, 成品不錯吧! 祝花開富貴!! 

私人空間

一月係一個壓力月, 因為大囡考學校派彩了, 12月中時考到的學校都係waiting list, 可能心心唔夠其他小朋友叻叻, 而且算是學校所講的"細b", 識的野未必夠大b比, 感恩地星期六收到心儀的幼稚園打來, 終於有書讀! 收到電話的一刻的確好感動, 收左線仲喊左出黎, 可能一直都無乜搵學校的概念, 而且對於山羊座的我黎講, 性格上唔可以無準備, 唔可以無著落, 唔可以無計劃, 唔可以一張白紙.....心頭大石可以放下, 好感恩! 好感恩! 謝謝幫我問學校的好朋友, 辛苦大家了!

今日老公好好, 比左一日假期我, 8點幾出門口去上堂....早堂上的係綠茶紅豆卷, 開頭我以為係普通野, 原來入面的配料整起黎大有學問, 內裡的綠茶料要煮得好唔容易, 真係十幾個功夫整起得少少..... 成品好靚仔, 仲超級好食! yum yum~~

走的時候老師同我幾投緣, 開口邀請我一齊去食lunch~~ 於是兩個人走左去食野

好有椰香味, 配料足, 的確好好味! 有食神!! 

大家傾談時講起工作, 課程, 食野, 剪髮! oh~~~ 我今日放學的確想去攪攪個頭! 老師大好人, 二話不說拎起電話推介佢的hair salon比我, 仲極速地同我book埋, 哈哈~~ 高高興興咁去cut 啦~

真係對上剪頭髮已經係生左大囡之後的事, 應該都有一年幾, 太耐啦吧! 忍左咁耐終於理下個亂草, 店舖係間日式salon, 剪頭髮的好多日本仔, 好有型! 真係極細心慢慢剪, 按摩頭皮舒服到喊! 爽呀!!! 最後.............亂草剪完, 還我整齊的"頭"回家!

感謝老公比左一日假期我, 充實又滿足! 晚上傳來消息, 又要出外拼, 朋友給我的電話要好好記住, 希望順順利利, 帶住點點的幸運過新年! 滿心感恩!

週日烘培 - (下)

親友今日會來我家食晚飯, 下午無無聊聊不如帶小朋友去玩下啦, 又出左去公園放電, 小朋友最愛! 多走動身體好的道理嘛!

兩個小朋友仲未玩到平衡木, 唯有自己爬住來平衡, 玩完要成身清潔啦! DIRTY~~~

呢個唔知係咩花, 個葉好特別, 黃色小花好靚呢!

尋日玩完曲奇, 今日又有野玩! 淸潔完又開工!!

你睇佢好專心, 仲話廚房好靚呀~ 玩得幾開心!

今日焗蛋糕杯! 香蕉合桃味~ 正呢! 

不過呢個咁快脆就攪掂的蛋糕, 係早前超市買的預拌粉, 

只係加蛋加水加油混合就OK. 零用腦食物!

成品出來好味, 配個TWG Jasmine Queen Tea, 

極速KO的下午茶 

週未烘培 - (上)

昨晚半夜點幾鐘已經覺得有D肚餓, 心諗....如果我再煮野食就會好飽, 之後頂住又訓唔到覺, 又會肥左, 同埋已經好夜~ 唯有忍口, 執好晒野等明日煮早餐! 

星期六清早, 整Waffle做早餐啦! 懶人恩物係買左日本Cuoca waffle粉, 只要加隻蛋, 加少少牛奶混合埋就ok, 之前試過好幾隻數字屋牌, 吉豬島的粉都麻麻, 唯獨係呢個最ok, 真心推介! 不過呢個粉係搵日本代購買的, 1kg 大概$100到, 但食起來係極鬆軟, 我自己再加少少爆炸糖粒, 將整個waffle變得更好味有質感 .

如果想口味變化下, 可以自己加少少朱古力粉or綠茶之類的亦得!

 當然地, 話明早餐要快~ 因為肚餓! 所以我用的係萬萬都能的v仔機!只要放個模, 預熱, 放粉, 3分鐘即成! 唔洗用腦的~人人皆可! 

下午同兩個小女去公園玩完, 返到屋企已經六點半, 爸爸想encore 麻辣雞煲加辣, 好彩雪櫃儲備仲有隻雞, 只需用鹽調味半小時又可以整了! 事日仲有鹽燒多春魚, 雞油炒白菜, 滾魚湯比個女, 7:30開飯~

難得兩個女今晚10點幾就訓晒, 可以黎個深夜烘培! 整曲奇!

今次我用的係金桶牛油, (忘記影相, 上網借圖) 呢個神級牛油終於可以整到鬆化無比的牛油曲奇, 拍得住我平時食開的車厘哥夫咁正! 要分享!!

食譜做法寫比大家: (約35-40塊)

金桶牛油250g

蛋1隻

糖霜80g (用佢混牛油打會滑好多)

高粉150g

低粉100g

唧花袋同花嘴

1) 高低粉兩樣混合過篩一次, 備用

2) 牛油先打到軟身, 之後分2次加入糖霜打到變淺黃色

3) 雞蛋打散, 又係分2次加入牛油溶液中

4) 混合好後就將高低粉再篩多一次慢慢加入拌勻

5) 準備唧花袋同花嘴, 將溶液放入後唧花

6) 唧好花後放雪櫃15分鐘, 與此同時預熱焗爐180度

7) 將雪好的曲奇入爐180度10分鐘, 後再反轉160度10分鐘

(注意: 各人家中的爐温可能不同, 請目測一下, 如覺得燶就要改改, 160度10分鐘 then 140度10分鐘)

YEAH!~~~成品出來好正架! 大家有興趣搵個假日試啦! 

又食得又可以親子! 小朋友好喜歡!

DIY相簿教學

話說早個幾月四口子走去影左齊齊整整家庭照, 斬晒手指咁揀左3X幾張覺得靚的相, 因為個package好平, 所以只係包左兩個油畫相架, 其餘只係會比返soft copy你, 所以相一直係個電腦到, 有時屋企人同親戚黎到話有無相睇下, 我要開個電腦叫佢自己按, 的確兩老唔會理我呢個女, 其他人都覺得麻煩! (當然話想睇相的通常都會係老人家啦, 鬼識用電腦咩!)

我見近期整開相簿的網上公司做緊聖誕新年promotion, 於是快手快腳2日整好晒, 只係好平的價錢已經做到過千蚊的質數, 實在係物有所值, 而且堅靚!!! 哈哈~~ (自誇ing~) 朋友pm問起點整點整, 現不妨教教大家如何DIY, 只要有心機, 夜晚肯坐定定唔煲電視, 2日做起的確唔難:

我呢幾年暫時整過4本相簿, 以紙質同效率最OK有一間, 其他公司的可以自行做Research, 我用緊的係www.photobookhongkong.com (利申, 我唔係呢間野的老闆, 只係覺得佢ok, 無錢分的!)

最上個本係最近期, 亦係大家會問的, 呢個我係揀lay flat 11x14, quality比普通的好, 打開係平面無痕的, 如果一心做一本珍藏的可考慮呢個! 

其餘左下角就係現時promotion FREE的6x6, 最基本小書.

右下角個係photobookhk.com 出品, 因為自己儍儍下唔記得個網, 印好先知原來去錯第二間整, 大家可以睇下個網名好似, 小心小心! 呢間個紙好似普通書紙, 但個書面係硬身, 曬個相紙貼住當cover, 我dislike!

 開工! 首先去www.photobookhongkong.com簡單登記做個member先啦! 之後去start a book搵返第一個download software先, 之後開左個軟件會見到呢個畫面, 選擇建立新作品:
  

 跟住揀photobook, 再揀hardcover & softcover (標住$198個個, 唔洗驚幾錢, 最尾會一陣講) , 如果初試牛刀, 揀6x6 mini個個就得, 因為現在唔洗錢) 之後係左手邊 " + " 到upload晒你想要的相先! 

 大家應該會識點用, 下面好簡單, layout想點樣佈局, click住拉上去就係, 放相一樣, 加公仔可以下面揀, 又係拉上去ok~ 整好晒記得save返你的心血, 唔係無左你會喊~之後係右上角你會見到一個"車仔"click一下購物!

去到呢個版面應該係向住成功之路出發了! 佢會話比你知幾錢, 與此同時你load落下面見到redeem個個bar, 打返"review2015", 之後就會由$198變左做$0架啦, 當然唔洗你錢, 但運費要比啦, 佢係馬來西亞寄返香港的, 所以$28運費係唔貴的, 一個順豐都要$40~ 我本大野11x14的運費係$58 (作參考)

最後係visa咭或paypal到比錢就得架啦, 佢會比返個confirmation no你做記錄的

咪以為比完錢就完成, close左個box之後個software會有呢個畫面的, 你揀第一個, 佢會直接upload晒你本心血上佢internet, 完成先叫到收得工架!

拆禮物~ 再拆禮物

今早11點到DHL哥哥"叮噹~" woh~~~ 美國單到啦! 因為上個月運費半價, 所以一口氣買左殺菌皇牌的家居用品回來, 免得老公洗親碗都不停話支洗潔精 「好唔掂! 幾時用完呀~ 攪錯呀用咁多都仲係好油~ 咪再買支廢野返黎用啦~~~ 」 洗一次碗都有一百個抱怨.

另外推介的係佢的洗衣液, 敏感皮膚的小朋友都用得!

第二樣好期待的, 係上星期日日係屋企砌相簿! load software左拼右拼~~ 加文字搵相搵圖! 制成品終於好新鮮咁新年1/1出貨, 今早到手了! 急不及待就開黎睇! 比我想像中好! 而且個size正到就咁放係玻璃櫃已經變左一個相架咁, 好滿意呀! 計埋呢本, 已經係我整的第三本了! 媽媽睇完之後馬上叫我上網同佢整多本比佢同爸爸得閒可以睇! -_-|| ok~~ 整返本6x6寸的trial book比你, 反正今個月到12/1係免費的, 當然.......你要比運費, 但都係$60到, 比起快圖美曬幾張相喎, 呢個錢好抵呢! 有興趣的朋友不妨自己玩下:  www.photobookhongkong.com, 整完入返個promotion code: review2015 就可以了!

攪屎棍的我等到兩個女下午訓左晏覺, 馬上動手去整cheese cake! 呢個食物睇過朋友blog整完已經好想食! 好想食! 好想食! 終於今日"的"起心肝去整~ 個blender 果然係好靜好好用, 早知買個陣配多對棒啦, 唔洗不停洗! 之後連自己都要投訴個洗潔精!!!! 灰~

芝士蛋糕加上朋友仔的提點, 用蒸焗的方法果然令個蛋糕濕潤d, 成品出來好靚呀!

個面好滑好靚仔呀! 正~ 放涼後雪櫃等之後可以食得! 雖然好想偷食, 但我會忍到老公返黎一家人慢慢品嚐, 唔會做自私鬼自己切一舊走左去! 要忍呀!

假日偷閒

是日活動是......安頓左兩個小朋友係娘家, 再撘車出去書局, 係書局可以睇左個幾鐘, 已經4點幾都仲未去其他地坊, 之後快快咁去果欄, 好多當造的水果, 車厘子, 士多啤梨, 金奇異果等等, 最後揀左幾款小朋友同老公鐘意食的回去.

呢碗中式糖水我想食好耐好耐, 真的無機會去食, 而且佢又就搬家了, 快快去享受一下.......

合桃露! 好好味呀!~~

拎住一堆文具, 一箱車厘子, 三盒韓國士多啤梨, 一袋大大的提子, 重到爆炸的時候, 仲要去尖沙咀幫媽咪拎個2KG的新CUCKOO飯煲! 好彩老公無任何埋怨, 謝謝下雨天陪我四圍走!

分享下一天的成果呢! HAPPY~~

2015尾聲

 2015尾聲! 早早一個月前BOOK左上堂! 今晚約左朋友仔一齊係屋企打邊爐慶祝, 知道HenHen係栗子怪, 所以老師幫我開左一堂栗子蛋糕, 仲堅稱好好食的, 今朝8點幾起身出發去上堂, 點知去到學校老師話材料唔靚, 轉左Strawberry Shortcake! 都好啦~ 真心覺得呢個朋友同栗子無緣! haha~~~

開頭以為呢個蛋糕係普通cream cake, 嘩! 真係第一次衰係佢手上, 老師話係12款最難的, 點知中左係我身上, 要打liquid狀的cream就用, 唔似平時打cream打到佢thicken! 打到厚身crean就會老左唔用得! 我只係切拌多左三下, 成盤cream十秒內變左全部要掉晒再重新做過..... -_-|||

end up成品都ok呀! thanks 老師教我, 的確好靚好正呀!

快快趕返屋企放低野再出去買材料準備今晚打邊爐用, 呢個菜檔的菜名好有氣勢, 不得不拎起個手機好輪盡都要影低佢, 火舞黃沙菜呀!

估唔到係呢個街市都有一個隱世的"湯房", 佢的用具全部都是古董呢!

一切準備就緒! get ready!! count down我地的2016~~Happy New Year!