2015的平安夜

每年的生日都係正日同朋友們齊齊開PARTY, 開下大食會玩下傾下計又一年, 感恩朋友們對我太好太好, 肯留返個重要日子陪我過, 今年朋友都有小朋友, 所以選擇左平安夜同朋友們食個火辣四川菜做慶生飯! 留返正日返娘家同屋企人慶祝!

一早起身兩個小頑皮好乖乖咁話搽油油時間, 排排坐係到叫我同佢地搽油, 

咁得閒就Lavendar比佢地放鬆下啦, 好攪笑!

爸爸放工返來準備左做聖誕老人, 因為個"廚房機"太大座的關係, 包唔到花紙又幾抯地方, 最後叫晒佢地入房, 轉個頭推晒D禮物出來逗細路~~ 佢地好開心呀, 妹妹笑得好HAPPY, 因為可以撕爛晒D花紙, 哈哈~~~

心心以為個細細盒的呢個東東係廚房組合, 叫佢估呢個係乜, 佢都係答廚房機! 睇黎好想要喎!

呢座野一出, 朝早11點幾好專心咁唔洗煩玩到天昏地暗! 黃昏6點幾仲玩緊, 勁!

晚上約左朋友們去CWB到慶生, 四川菜係我揀的, 好想食好想食! 的確好好味呀! 影出黎的相全都係紅紅一大堆辣椒, 味道好好, 但無想像中的辣! 正~

好鐘意個屬於自己的生日蛋糕! 終於唔係聖誕蛋糕, 無聖誕老人, 無雪人, 無樹頭! 好滿足!

謝謝朋友們, 好開心有你們陪我渡過!